Don Cherottu, u secondu sabbatu u 17 di maghju à u centru L’Alboru in Bastia

​​Unità Teatrale crea a seconda parte di Don Cherottu, un’adattazione in trè episodii di Don Quichotte, u famosu rumanzu di Cervantès. Fundatu nant’à u teatru d’ogetti è di mariunette, stu secondu episodiu face entre u spettatore in l’imaginariu di Don Quichotte pè una riflessione nant’à l’umanità, l’identità è a cerca di sensu. L’opera ghjucata in lingua corsa sottutitulata in francese mette in risaltu a ricchezza è l’originalità di a lingua nustrale. Avvezzu à ghjucà rialisazione ambiziose, Unità Teatrale mette sempre in risaltu creazione è militantismu.

Jean-Pierre Lanfranchi prupone quì un spettaculu rimarchevule soprattuttu quandu si sà ch’ellu s’ispira d’un libru tamantu, u più lettu dopu a Bibbia. U terzu episodiu hè previstu pè l’annu prossimu. L’adattazione d’Unità Teatrale s’ispira di e traduzzione di Louis Viardot è Aline Schulman. Teatru ma dinù arti plastichi, musica, ballu, mariunette… L’attori sò Jean-Pierre Lanfranchi, Daniel Delorme, Aurélien Gabrielli, Michel Scotto di Carlo, Aurelia Ferrali, Pierre le Bloa, Elisabeth Dominici, Jordan Large, Pierre Pasqualini, Hassan El Moutaakkif, u gruppu Tavagna. Pudite cumprà i biglietti sopr’à locu o riservalli nant’à https://agenda.bastia.corsica/